Hevserokê Giştî yê HDP'ê Sezaî Temellî, ODP ziyaret kir. Temellî, di ziyaretê de diyar kir ku ji bo îtîraza bi stratejiya HDP'ê ya 31'ê Adarê derket holê berdewam bikin dest bi xebatan kirine. Temellî, anî ziman ku piştî vê hewldana wan îktîdarê qeyûm tayîn kiriye.
Cîgirê Hevserokên Giştî yê HDP'ê Salîm Kaplan diyar kir ku heta hevşaredarên wan vegerin ser peywira xwe dê çalakiyê xwe bidomînin û got ku dê 1'ê Îlonê Roja Aştiyê ya Cîhanê, bi rojeva qeyûm pêşwazî bikin.
Parlamenterên CHP'ê yên Stenbolê Bariş Yarkadaş û Ozgur Karabat, diyar kirin ku ger AKP firsendê bibîne wê dest dîne ser Şaredariya Bajarê Mezin a Stenbolê û gotin: "Plana îktîdarê ya desteserkirina şaredariyên Enqere û Stenbolê tenê bi xwedîderketina şaredaiyên Mêrdîn, Amed û Wanê wê bê pûçkirin."
Parlementerê HDP’ê Garo Paylan diyar kir ku ew Serokwezîrê Berê Ahmed Davûtoglû weke “Qutiya reş a dewletê“ dibinin û di serdema wî de mekanîka darbeyê ya li dijî pêvajoya çareseriyê dînamît kirin û got: “Serdema Davûtoglû weke ya Mehmet Agar e. Di serdema Davûtoglu de 'Plana çokdanînê' xistin meriyetê. were li Meclîsê biaxive.”
Hevserokê Giştî yê HDP’ê Sezaî Temellî di çarçoveya hevdîtinên “Destûra Bingehîn a Demokratîk”, “Pakêta Darazê” û “Îtîfaqa Demokrasiyê” ewil KESK’ê ziyaret kir. Temellî di serdanê de got: “Em dixwazin ji bo her kes dikaribe bi her kesî re biaxive pêvajoyek muzakereyan bidin afirandin.”
Wekîlê Serokê Koma HDP'ê Saruhan Oluç, bersîv da gotina Erdogan a “Pereyan dişînin Qendîlê" û wiha got: "Derewan dikin. Şaredariyê me yek Quriş nelirêtî nekiriye. Diyariyên ku qeyûm ji were şandin we girtin ya na?"
Hevşaredara Şaredariya Bajarê Mezin a Amedê Bedîa Ozgokçe ku qeyûman wekî "heydût, rêbir" binav kir, diyar kir ku wê bloka AKP-MHP'ê bi têkoşîna gelê kurd biçe û got: "Wê gelê Wanê hesab ji kesên pereyên wan dizîne bipirse."
HDP'ê ji meclîsê xwest ku gotinên Serokwezîrê Berê Ahmet Davutoglu ya “Ger der barê têkoşîna terorê de defter bên vekirin, wê gelek kes êdî nikaribe têkevin nava mirovan" lêkolîn bikin û Komîsyona Lêkolînê ya Meclîsê ava bikin.
HDP’ê di hilbijartina 31'ê Adarê de bi dengekî pir zêde şaredariyên bajarên mezin ên Amed, Mêrdîn û Wanê qezenç kir. Lê hêj 5 meh neqediyan Wezîrê AKP'ê yê Karên Hundir Suleyman Soylu qeyûm tayîn kir. Tayînkirina qeyûman gotinên Serokê Giştî û Serokomar Tayyip Erdogan ên têkildarî hilbijartinê anî hiş û aqilan. Erdogan duh tiştek û îro tiştekî din dibêje.
Serokê Giştî yê CHP'ê Kemal Kiliçdaroglû têkildarî tayînkirina qeyûman a şaredariyên HDP'ê got ku pirsgirêk ne pirsgirêka HDP û partiyeke din a siyasî ye, bêhurmetiya li vîna gel e.
Wezîrê Karên Hundir Suleyman Soylû têkildarî tayînkirina qeyûman a ser şaredariyên HDP'ê daxuyanî da û got ku wek dewlet tayînkirina qeyûman peywira wan e.
Hevserokê Giştî yê HDP'ê Sezai Temellî, tayînkirina qeyûm a şaredariyên Amed, Wan û Mêrdînê şermezar kir û got: "Hişmendiya darbeyê di merîyetê de ye. Yên winda kirin wê dîsa winda bikin. Em bi ser ketin emê dîsa bi ser bikevin."
Serokê Giştî yê MHP'ê Devlet Bahçelî, ji ber ku hevşaredarên Amed, Mêrdîn û Wanê ji peywirê girt û qeyûm tayînî şûan wan kir, Wezîrê Karên Hundir Suleyman Soylû pîroz kir.
Hevseroka Giştî ya ESP'ê Ozlem Gumuştaş, bal kişand ser pêşniyara Rêberê PKK'ê Abdullah Ocalan a “Rêya sêyiemîn" û wiha got: “Rêya herî bingehîn ewe ku em rêya Tirkiye û rêya Têkoşîna Azadiya Kurd bikin yek. Ya girîng dayîna têkoşîna aştiyek bi wate ye."
Parlamenterê HDP'ê Saliha Aydenîz peyama Ocalan a "Ez ji çareseriyê re amade me" nirxand û diyar kir ku peyama Ocalan ji bo Tirkiyeyê nîmeteke nayê dîtine û wiha got: "Heke derdekî desthilatê yê pêkve jiyana gelan heye, divê vê peyama Ocalan baş bixwîne."