Komîsyona Hevgirtina Neteweyî, Xwişk-Biratî û Demokrasiyê dê di civînên xwe yên 10 û 11’emîn de ku dê di 17-18’ê Îlonê de bên lidarxistin, li akademîsyen, komele û weqfan guhdarî bike.
Xkê Amedê diyar kir ku di pêvajoya heyî de tu gavek ji dewletê nedîtine. Amediyan, banga jidilbûnê li dewletê kirin û xwestin komîsyona li Meclisê li Rêberê Gelê Kurd Abdullah Ocalan guhdarî bike.
Li Amed, Wan û Mêrsînê dê bi boneya “Mafê hêviyê” meşên girseyî bên lidarxistin. Banga tevlibûna meşan hate kirin.
Di danişîna doza Hasan û Meryem Kamiş ku ji ber nasnameya Kurd Delal Hazar Gencer li pêş çavên zarokên wê qetil kiribûn de tê payin ku mutalaa were pêşkeşkirin.
Gelek jinên li seranserî cîhanê navdar ji bo cîbicîkirina “Mafê hêviyê” yê Abdullah Ocalan ji Konseya Ewropayê re name şandin. Di nameyê de daxwaza berdana Abdullah Ocalan hate kirin.
Faîk Ozgur Erol hevdîtina dawî ya li Îmraliyê vegot û diyar kir ku ji bo serkeftina pêvajoyê divê derbasî qonaxa duyemîn bibe. Erol, got: “Ji bo entegrasyona demokratîk jî hewcehî bi yasayên serdema navberê heye.”
Berdevka Komîsyona Girtîgehan a Şaxa ÎHD’a Îzmîrê Nazli Turanê diyar kir ku li girtîgehên bi ewlekariya bilind, tîpên S û R’yê îzoloasyon û tecrîdeke giran heye û xwest civak li dijî vê rewşê dengê xwe xurtir derxîne.
Rojnameya Xwebûne di hejmara xwe ya nû de bi manşeta “Mafê hêviyê gerdûnî ye” derket.
Parêzerên Buroya Hiqûqê ya Asrinê ji bo hevdîtina bi Rêberê Gelê Kurd Abdullah Ocalan re ber bi Îmraliyê ve bi rê ketin.
Li gundê Newalê yê navçeya Qûbînê li dijî wesayîtekê êrişa çekdarî hat kirin. Di êrişê de dayik, bav û 2 zarokên wan hatin qetilkirin.
Mûrat Arslan ku li Girtîgeha Hejmar 1 a Dumluyê ya Erziromê dihat ragirtin û 30 salan di girtîgehê de ma, hate berdan. Arslan, got: “Niha ji hêla fîzîkî ve azad im lêbelê heta hevalên me û Rêbertî azad nebin dê ev têkoşîn neqede.”
Mêrdîn TUHAD-FED’ê piştî kongreyê damezirandina xwe ragihand. Hevseroka MED TUHAD-FED’ê Pinar Sakik Tekîk di kongreyê de bal kişand ser “mafê hêviyê” û got: “Komîsyona li Meclisê hatiye avakirin divê li Ocalan guhdarî bike.”
10 rêxistinên mafên zarokan ên li rojhilatê Kurdistanê û Îranê ji bo betalkirina cezayê darvekirinê yê aktîvîsta mafên mirovan Şerîfe Mihemedî bang kirin.
Ji bo cîbicîkirina “mafê hêviyê” yê Rêberê Gelê Kurd Abdullah Ocalan, li gelek bajaran bi awayekî hemwext daxuyanî hatin dayin û wiha hate gotin: “Em bang li hemû meqaman dikin ku biryarên DMME’yê pêk bînin û guh bidin şîretên Komîteya Li Dijî Îşkenceyê ya NY’ê.”