Di sala 1993’yan de li Dêrikê di pevçûnekê de 5 PKK’iyan jiyana xwe ji dest dabûn. Tekane kesê cihê gorên wan dizanî, Cebraîl Vural bû. Vural ku piştî 30 salan ji girtîgehê derket, tevî malbatên PKK’iyan çû serdana goran.
Girtiyê nexweş Yasîn Kaya ku li Girtîgeha Tîpa T a Şirnexê dihat ragirtin, sewqî Girtîgeha bi Ewlekariya Bilind a Ereglî ya Konyayê hate kirin.
Hevserokê Giştî yê HDP’ê yê berê Selahattîn Demîrtaş, ji ber 6 axaftinên cuda ji 5 îdiayan tê darizandin. Danişîna doza Demîrtaş hate taloqkirin.
Malbata Taybet Înanê bi rêya parêzeran bi sedema ku “mafê jiyanê”, “mafê darizandina adilane” û “qedexeya îşkence û miameleya xerab” hatine binpêkirin, serî li AYM’ê da. AYM’ê serlêdan bi hinceta “demborî”yê red kir.
Nûnerên taxên Şêxmeqsûd û Eşrefiyê yên Helebê bi Cîgirê Delegasyona Sûriyeyê ya Yekitiya Ewropayê re civiya.
KCDK-E’yê bertek nîşanî serdegirtina polîsan a bi ser saziyên Kurd ên li Fransayê da û got: “Têkoşîna demokratîk a gelê Kurd bi tu zextan nayê sekinandin.”
Cîgirê Hevserokatiya Meclisa Gel a Mexmûrê Şoreş Didêrî bal kişand ser zextên zêde yên Iraq, Tirkiye û PDK'ê yên li ser Kampa Penaberan a Mexmûrê û diyar kir ku kamp bi komployeke nû re rû bi rû ye û banga xwedîderketina li kampê li her kesî kir.
Înfaza nivîskar Rizgar Tûrhan ji ber pirtûkên wî yên bi navê "Dilopek Ji Ava Jînê" û "Cangoriyên Mişarê", 3 mehan hat taloqkirin.
DAD, amadekariya ku li navçeya Gimgim a Mûşê şaxekê veke dike. Alî Asker Bîngol ku wekî hevberdevkê şaxê hatiye diyarkirin, got ku ew ê li Gimgimê ji bo têkoşîna li dijî asîmîlasyon û înkarê xeta têkoşînê ava bikin.
Mûstafa Yavûz ku di salvegera mirina hevalê xwe Riza Altûn yê di kongreya PKK'ê de wekî sembola "Hevrêyê Azadiyê" hatibû binavkirin de axivî, got: "Ew pêşengê berxwedanan bû. Hem ji hêla pratîkî ve hem jî ji hêla îdeolojîk ve hevalekî jêhatî bû."
Cenazeyê endamê HPG'ê Alî Kemal Arslan ê ku 6 sal berê di pevçûnê de jiyana xwe ji dest dabû, li bajarê ku lê ji dayik bû hat definkirin.
Bi girseyî serdana şîna Agît Ertaş ê HPG'î yê hat eşkerekirin jiyana xwe ji dest daye, hat kirin.
Hevberdevka HDK’ê Meral Daniş Beştaşê xwest ÎHÎK li Girtîgeha Hejmar 1 a Dumluyê ku girtiyan digot rastî tundiya fîzîkî ya gardiyanan hatine, lêkolîn were kirin û li girîgehê venêrin were kirin.
Cezayê Hevşaredarê Colemêrgê Sidik Akiş ku li şûna wî qeyûm hatibû tayînkirin, bi sedema “Darizandin ne li gorî usûlê hatiye kirin, mafê parastinê hatiye bisînorkirin û xebatên partiya siyasî weke xebatên rêxistinê hatine nîşandan” hate betalkirin.