Li gorî rapora “Karnameya Azadiya Çapemeniyê ya 2024’an: Anatomiya Bêdengkirina Rastiyê” ya Parlamentera DEM Partiyê Zeynep Oduncu amade kiriye, 4 jê di encama êrişa dewleta tirk de bi giştî 5 rojnamegeran jiyana xwe ji dest dane, 112 rojnameger hatine binçavkirin û 26 rojnameger jî hatine girtin.
Parêzerên Buroya Hiqûqê ya Asrinê ji bo hevdîtina bi muwekîlê xwe Rêberê PKK’ê Abdullah Ocalan serî li Serdozgeriya Bûrsayê û Midûriyeta Girtîgeha Îmraliyê dan.
Welatiyên li dijî êrişan ser sînorê Nisêbîn-Qamişloyê nobetê digirin, bal kişandin ser hevdîtinên bi Rêberê PKK’ê Abdullah Ocalan re û gotin ku divê dewlet gavan biavêje.
Endama OHD’ê Şukran Ozturk da zanîn ku divê desthilatdarî hiqûqê wek şivekê bi kar neyne, bang li Yekitiya Baroyên Tirkiyeyê kir ku li dijî tecrîdê bêdeng nemînin û li banga Abdullah Ocalan xwedî derkevin.
Siyasetmedar Ertûgrûl Kurkçu bal kişand ser girîngiya hevdîtina li Îmraliyê û wiha got: “Divê sosyalîstên Tirkiyeyê li cem têkoşîna azadiyê ya gelê Kurd cih bigirin û rola xwe ya pêşengtiyê bilîzin.”
Dewleta tirk şevê din li bajarê Zaxoyê yê Herêma Federe ya Kurdistanê 2 wesayît bi SÎHA’yan bombebaran kir.
Welatiyan banga tevlîbûna meşa 3’ê çile ya li ser sînorê Kobanê ya li dijî êrîşên li ser Bakur û Rojhilatê Sûriyeyê kirin. Welatiyan bal kişandin ser banga dawî ya Rêberê PKK’ê Abdullah Ocalan û gotin, “Peyama ku li vir bê dayîn wê ev be ku ‘ez li Rêbertiya xwe xwedî derdikevim’. Ger peyameke xurt were dayîn dê pêvajo hêsantir bibe.”
Hevserokê OHD'ê yê Stenbolê Îshak Demîrel diyar kir ku tecrîd hê jî didome û got ku ger pêvajoyek bê meşandin divê di navbera wekhevan de pêk were. Demîrel got: "Pêkanîna mafê hêviyê yê Abdullah Ocalan wê bibe gava yekem a dilsoziyê."
Siyasetmedar û welatiyan diyar kirin ku divê her kes li dijî êrişên li ser Bakur û Rojhilatê Sûriyeyê bisekinin û gotin: "Em ê bi hev re Rojavayê biparêzin."
Francesca Baruffaldi ku ji bo bi Abdullah Ocalan re hevdîtinê pêk bîne serî li Wezareta Dadê da wiha got: “Ez bi aştiya di navbera gelan de bawer im. Serbest berdana Rêberê Gelê Kurd wê hem ji bo pirsgirêka kurd hem jî ji bo demokratîkbûnê bibe gava yekemîn."
Xebatkara Şîrketa Gizingî Berbeyan Tewar Adil a ku şîrketa wan ji aliyê asayişê ve hat girtin got: "Ev êriş, li dijî reng, deng û azadiya jinê ye."
Çalakiya Nobedê ku li ser sînorê Nisêbîn-Qamişloyê li hemberî êrîşên li ser Bakur û Rojhilatê Sûriyeyê hatine destpêkirin didome. Parlamentera DEM Partiyê Sumeyye Boz di çalakiya nobedê de axivî û wiha got: "Bêyî azadiya fîzîkî ya Birêz Ocalan em nikarin bêjin 'gavek hatiye avêtin'. Divê êdî gavên berbiçav bên avêtin.”
Piştî êrîşên Tirkiyê û komên girêdayî wê yên ASN’ê yên li başûrê bendava Tişrînê, li herêmê pevçûnên dijwar diqewimin. Li Tebqayê jî fabrîqayek hat bombekirin.
Çalakiya nobedê ya li dijî êrîşên li ser Bakur û Rojhilatê Sûriyeyê hatine destpêkirin li navçeya Pirsûsê ya li ser sînorê Kobanê hatiye destpêkirin, di roja 10’emîn de didome.