Merasîma Koma Aştî û Civaka Demokratîk saet di 11.25’ê de dest pê kir û di 11.45’ê de bi dawî bû. Hevseroka Konseya Rêveber a KCK’ê Besê Hozat pêşengtiya merasîmê kir.
Dîmenên merasîma dîrokî ya îmhakirina çekan a “Koma Aştî û Civaka Demokratîk” hatin weşandin. Komê, çekên xwe îmha kir.
Hevseroka Konseya Rêveber a KCK’ê Besê Hozat, tev li merasîma îmhakirina çekan a Koma Aştî û Civaka Demokratîk bû.
Ji merasîma dîrokî ya îmhakirina çekan a “Koma Aştî û Civaka Demokratîk” dîmenên ewil hatin weşandin.
Şandeya ku merasîma îmhakirina çekan a “Koma Aştî û Civaka Demokratîk” temaşe kir, ji qadê derket.
Koma Aştî û Civaka Demokratîk ev daxuyanî da: “Ji niha û pê ve wê têkoşîna me ya azadî, demokrasî û sosyalîzmê bi rêbazên hiqûqî û siyaseta demokratîk û li ser bingeha derkirina yasayên entegrasyona demokratîk dewam bike.”
Cihê merasîma ku dê “Koma Aştî û Civaka Demokratîk” çekên xwe lê îmha bikin diyar bû. Merasîm dê li Şikefta Casenê ya li ser sînorê bajarokê Sûrdaşê bê lidarxistin.
Şandeya HDK, DEM Partî û DBP’ê gihişt qada merasîma ku dê “Koma Aştî û Civaka Demokratîk” çekên xwe lê îmha bike.
Serşêwirmendê Serokkomar Yîgît Bulut jiyana xwe ji dest da.
Li gelek bajarên Kurdistanê gel ji bo temaşekirina merasîma “Koma Aştî û Civaka Demokratîk” li ber televîzyonan disekine.
Welatiyên bajarokê Dêrahînê ya Qilebanê, li dijî şîrketa ku dixwest li qada ava vexwarinê kana madenê vebike bertek nîşan dan û wesayîtên şîrketê ji nava bajarokê derxistin.
Hevberdevkê Giştî yê YSP’ê Ahmet Asena banga bidîmen a Abdullah Ocalan nirxand. Asena, diyar kir ku pêvajoyeke nû ya têkoşînê dest pê dike û got ku divê zemîneke hiqûqî siyasî were avakirin.
Delegasyona navneteweyî ber bi qada ku dê “Koma Aştî û Civaka Demokratîk” torenê li dar bixe ve bi rê ket.
Şaredarê Bajarê Mezin ê Îzmîrê yê berê Tunç Soyer, got: “Ez ê bi serfirazî têkoşîna xwe bidomînim. Divê her kesên di bin zexta îktîdarê de cudahiyên xwe bidin aliyekî û hevkariyê mezin bikin.”
Parlamenterê DEM Partiyê Alî Bozan diyar kir ku bi banga bidîmen a Abdullah Ocalan pêvajo ketiye qonaxeke nû û got: "Birêz Ocalan, PKK û gelê kurd barê ketiye ser milê wan kirine. Niha dora gavavêtinê ya desthilat û dewletê ye."