Di deklarasyona Newroza 2025’an de ku li Amedê hate aşkerakirin, wiha hate gotin: “Newroza îsal Newroza parastina vîna azadî û aştiyê ya Rêberê Gelan birêz Abdullah Ocalan e.”
Bafil Talabanî diyar kir ku ew piştgiriyê didin peymana di navbera HSD û Hikûmeta Demkî ya Sûriyeyê de û anî ziman ku ew ji her gava ji bo parastina mafên gelên Bakur û Rojhilatê Sûriyeyê tên avêtin bihêvî ne.
Berdevkê Têkiliyên Karên Derve yê PYD’ê Salih Muslim, têkildarî 8 xalên peymanê wiha got: “Hem ji bo Elewiyan hem jî ji bo Durzî û Êzidiyan destkeftiyeke mezin e. Bêyî ku ferq û cudahî di navbera komên olî û neteweyan de were kirin, her kes dê wekhev bên dîtin.”
Hevserokê Şaxa OHD’a Stenbolê Îshak Demîrel diyar kir ku divê biryara “Mafê hêviyê” ya der heqê Abdullah Ocalan de bê cîbicîkirin û got: “Mafê hÊviyê, yek ji hîmên bingehîn ên pêvajoyê ye.”
Ji rojnamevan Nazim Babaoglû ku ji bo nûçeyê çûbû Sêwregê û careke din venegeriya, 31 sal in agahî nayê girtin. Di vê pêvajoyê de ne li aqûbeta Babaoglû hat pirsîn ne jî kiryar hatin dîtin. Bira Cemal Babaoglû got: "Em piştgiriyê didin banga Rêberê Gelê Kurd Abdullah Ocalan a ji bo çareserkirina pirsgirêka kurd. Nazimek çû, lê bila Nazimên din neçin."
Di çarçoveya lêpirsîna li dijî şaredariyên Sariyer û Şîşliyê yên CHP’î de 32 kes hatin binçavkirin.
Welatiyên beşdarî hevdîtinên "Aştî û Civaka Demokratîk" bûn, dixwazin dewlet gavên jidil bavêje û sererastkirinên qanûnî pêk bîne.
Dayikên Aştiyê yên Geverê diyar kirin ku banga Abdullah Ocalan mişt hêvî ye û gotin: "Ber bi Newrozê ve, divê birêz Ocalan azad be."
Çavkaniyên herêmê bal kişandin ser wateya piştperdeya peymana di navbera Rêveberiya Xweser û Hikûmeta Demkî ya Sûriyeyê de û diyar kirin modela “Jiyana hevpar” a Rêveberiya Xweser dê li tevahiya Sûriyeyê belav bibe.
Li Şaredariya Bajarê Mezin a Wanê ya qeyûm tayinî wê hat kirin, rêveberiya qeyûm li gel JIN Kart û Karta Civakî; xebatên di warê rê, av, qenalîzasyon, îmar, jin, ciwan û çandê de jeî betal kirin.
Endamên Saziya Zimanê Kurdî piştgiriya xwe ya ji bo banga dîrokî ya Rêberê Gelê Kurd Abdullah Ocalan dubare kirin û bang li her kesî kirin ku ji bo ziman, çand û hunera xwe piştgiriyê bidin pêvajoyê.
Fermandarê Giştî yê HSD’ê Mazlum Ebdî û Serokê Demkî yê Sûriyeyê li ser gelek mijarên girîng ên weke misogerkirina mafên destûra bingehîn ên Kurdan û saziyên leşkerî û sivîl di nava rêveberiya giştî de cih bigirin, li hev kirin.
Di daxuyaniya Foruma Aştiyê ya Îzmîrê de hat diyarkirin ku banga Abdullah Ocalan ji bo aştiyê firsendeke nû afirandiye û got: “Divê Meclis demildest bicive û komîsyonekê ava bike.”
ÎHD’ê rapora xwe ya têkildarî binpêkirinên mafan ên li girtîgehên Tîpa R’ê eşkere kir û got ku pirsgirêka girtiyên nexweş bi guhertinên di qanûnên înfazê de pêkan e.