ÊLIH – Salîha Aydenîz di civîna diyarkirina Nûnertiya TUAY-DER a Êlihê de axivî û ji bo tehliyekirina girtiyên nexweş bangî komîsyona Meclisê kir.
Nûnertiya Komeleya Alîkarî û Piştevaniya bi Malbatên Girtî û Hikûmxwaran re (TUAY-DER) ya Êlihê, civîna bi dirûşma “Em bi civaka demokratîk re ber bi aştiyê ve dimeşin” li Hêwana Konferansê ya Sendîka Petrol Îşê de li dar xist û rêveberiya xwe hilbijart. Di hêwanê de pankarta “Girtiyên siyasî rûmeta me ne, ji bo hemû girtiyan azadî” hate daliqandin û nûnerên partiyên siyasî û saziyên civakî beşdarî civînê bûn. Civîna ku bi rêzgirtinê dest pê kir, dirûşma “Şehîd namirin” hate berzkirin.
Parlamentera Partiya Wekhevî û Demokrasiyê ya Gelan (DEM Partî) a Mêrdînê Salîha Aydenîz axivî û diyar kir ku girtiyên piştî 30 salan tên tehliyekirin dibin hedef û ev tişt got: “Rêberê Gelê Kurd Abdullah Ocalan, çawa gav diavêje divê dewlet jî wiha gav biavêje. Dewlet ne dixwaze vê pirsgirêkê çareser bike ne jî xira bike. Ji ber vê yekê Entegrasyona Demokratîk wek bişaftin tê dîtin. Entegrasyon ne bişaftin e. Gelê Kurd bişaftina nava pergalê qebûl nake. Ji ber vê yekê ev 50 sal in berdêl didin û têdikoşin.”
GIRTIYÊN NEXWEŞ
Salîha Aydenîz ji bo tehliyeya girtiyên nexweş bangî komîsyone kir ku bi berpirsiyariyê li xwe bigire û wiha dawî li axaftina xwe anî: “ji bo vê yekê pêdivî bi hiqûqê tune. Jixwe li gorî hiqûq û destûra bingehîn a heyî divê bên berdan. Bêyî şert divê girityên nexweş bên berdan.”
Piştî xwendina raporên xebat û darayî Nuriye Başçi û Hasan Aritekîn, ji bo Nûnertiya TUAY-DER a Êlihê hatin hilbijartin.