Narîn Guran a 8 salî ku di 21’ê Tebaxa 2024’an de li navçeya Rezanê ya Amedê li gundê Çulî lê hatibû windakirin û di 8’ê Îlonê de cenazeyê wê hat dîtin, pêvajoya dadgeriyê berdewam dike. Derbarê kuştina Guran de du dozên cuda hatin vekirin. Doza ku li dayik Yuksel, Apê wê Selîm, birayê wê Enes Guran û cîranê wan Nevzat Bahtiyar hat vekirin di 28 'ê Kanûnê de bi encam bû. Cezayê muebeta giran li endamên malbatê hat birîn  û 4 sal û 6 meh cezayê girtîgehê li Bahtiyar hat birîn.

 

Doza ku derbarê kuştina Guran de hatibû vekirin li 17'emîn Dadgeha Cezayê Asliye yê Amedê berdewam dike. Di vê dozê de pismamê Narîn Guran Bîrsen, apê wê Fûat, jinapa wê Maşallah Guran, hevjînê meta wê Mehmet Şevket Kaya, xizmê wê Mehmet Kaya û xebatkarê Salîm Guran Mehmet Selîm Atasoy girtî tên darizandin. Xizma wê Şeyma Kaya, meta wê Hediye, apên wê; Îbrahîm Halîl, Bariş, Kurtuluş û Omer Faruk Guran tevî 3 zarokan bêyî girtî tên darizandin. Rûniştina sêyemîn a dozê, ku 3 jê zarok 15 bersûc bi sûcdariya 'sûcdarên li bendewariyê' tên darizandin, roja 2'ê Gulanê pêk hat. Di rûniştina ku di 29'ê Nîsanê de pêk hat de dozger mutalaya xwe pêşkêş kir û daxwaza cezakirinê kir. Rûniştina din ji bo 30'ê Îlonê tê plankirin û tê payîn biryar were dayîn.

 

Koordînatora Hiqûqê ya Tirkiyeyê ya UCÎM'ê Candan Tekîn

 

DI DARIZANDINÊ DE ÇI DIQEWIME? 

 

Parêzer û Koordînatora Hiqûqê ya Tirkiyeyê ya UCÎM'ê Candan Tekîn ku dozên girtî dişopîne diyar kir ku di dozê de 3 zarokên 'bûne sedema sûc' hene û wan biryara darizandina zarokan di heman dosyayê de tiştek şaş e. Candan Tekîn da xuyakirin ku zarok bi cihgirtina li nava tevahiya pêvajoyê re rastî mijarên yekser pêwendiya xwe bi wan re nîne hatine anîn û wiha got: “Helwesta giştî ya bersûcan bi armanca redkirina îdîayan û berevajî bersûcên doza sereke li şûna ku bibêjin 'nayê bîra min, nizanim' zext û êşkence li wan tê kirin. Îddîa kirin ku piraniya îfadeyên wan ên berê ne aîdî wan e û îdiayên berê red kirin.”

 

Candan Tekîn da zanîn ku îfadeya hinek xebatkarên şîrketa elektrîkê û leşkeran hatine girtin û wiha got: "Gelek jendirme tevlî xebatên lêgerînê bûn. Bi qasî ku tê bîra wan, wan çalakiyên gumanbar ên ku herî baş şahidî jê re kirine vegotin. Cendirmeyan kiryarên ku rê li ber îddîanameya bersûcan vekir bi berfirehî vegotin û sedema ku wan ev kiryar bi guman dîtine vegotin. Hat dîtin ku xebatkarên şîrketa elektrîkê xwedî nebûna zanyariyên teknîkî ne û li gorî texmînên xwe bersivên giştî dane. Ez di wê baweriyê de me ku bi taybetî fermandar û personelên jendirmeyan tevkarî li dosyayê kirine."

 

'SONDA BÊDENGIYÊ DEWAM DIKE' 

 

Candan Tekîn ku anî ziman ku mîna dosyaya beriya niha beşdarbûneke xurt nîne û wiha got: "Ji ber ku dozger di dema navberê de rayeya xwe pêşkêş kir, em li bendê bûn ku dosya di rûniştina dawî de were destnîşankirin. Lê belê ji ber pêşkêşkirina çend hincetan, doz taloqî 30'ê Gulanê kirin. Malbat hewl dide balê bikişîne Nevzat Bahtiyar. Lê belê mijara vê dozê cuda ye. Mixabin ev 18 roj in Narîn li gundekî nehat dîtin. Delîlên di nava wê demê de winda bûn, xwegihandina rastiya madî zehmet kir. Niha dem dema dîtina berpirsan e û ji bo wergirtina cezayên ku heq dikin e. Lê dewamkirina sonda bêdengiyê û alîkar nebûna kesekî bala mirov dikişîne."

 

'DI QONAXA LÊPIRSÎNÊ DE ŞAŞITÎ HENE'

 

Candan Tekîn ku diyar kir ku di lêpirsîna kuştina Guran de kêmasî û şaşitî hene û wiha got: "Em dizanin ku hin karên pêwîst nehatine kirin an jî gelekî dereng hatine kirin. 24 saetên destpêkê ji perspektîfeke edlî gelekî girîng e. Delîlên ku di dema qonaxa lêpirsînê de nikarin bên wergirtin an jî neyên bidestxistin, bandorê li tevahiya dozê dikin. Di qonaxa dozgeriyê de ji bo zarokên ku di heman dozê de rê li ber sûcan vekirine bên darizandin, heta saetên dereng li salona dadgehê bên ragirtin û pedagog nebe, gelekî şaş e. Nêrîna dozger ew bû ku cezayên li bersûcan bê birîn, em jî bi vê nêrînê re hevrû ne. Em bawer dikin ku ev yek wê guncaw be ku em qerara mehkûmiyetê bidin."

 

Candan Tekîn a ku diyar kir ku ji bo cezakirina berpirsan hewl didin, got ku têkoşîna li dijî cînayetên zarokan bi xebateke kolektîf dikare encamê bistîne. Candan Tekîn wiha got: "Mixabin piştî ku bûyerên trajîk diqewimin, bi tenê hin tişt dikevin dewrê. Divê tavilê tedbîrên parastinê, pêşîgirtinê û piştevaniyê yên di Qanûna Parastina Zarokan de cih digirin, bên bicihanîn. Hevkariya bi rêxistinên ne hikûmî re jî pir girîng e. Çêkirina rêziknameyên pêwîst ên li ser bingeha tecrûbeyên qadê, wê rê li ber encamên baştir veke." 

 

Candan Tekîn diyar kir ku ne tenê malbat her wiha civak û dewlet jî parastina zarokan berpirsyar in. 

 

MA / Rukiye Payîz Adiguzel