Cîgirê Serokkomar Fûat Oktay Qanûna Teklîfê ya Bûdçeya Rêveberiya Navendî ya sala 2023’yan aşkera kir. Oktay diyar kir ku lêçûnên bûdçeyê 4 trîlyon û 470 mîlyar lîre û dahat jî wek 3 trîlyon û 910 mîlyar lîre hatiye hesapkirin.
Platforma Ked û Demokrasiyê bertek nîşanî bûyera kana madenê ya 41 karker jiyana xwe ji dest dane da û got: “Yê ku ji bo gerandina çerxa mêtingeriyê ser û binê erdê kiriye goristan, desthilat bi xwe ye.”
Jinên Hezexî nêrazîbûn nîşanî zêdebûna enflasyonê dan û gotin: "Zarokê me bi şev û bi roj dixebitin û em bi wî pereyê ku ew tînin tenê tenekeyeke rûn dikirin. Ma ev hal e?"
Waniyan diyar kir ku ji ber polîtîkayên aboriyê yên desthilatê bi zor û zehmetiyan re rû bi rû mane û gotin ku êdî nan jî bi dest wan nakeve û ji ber budçeya ji şer re hatiye veqetandin welat di vî halî de ye.
Platforma Şaxên KESK'ê ya Amedê di çalakiya xwe ya vê hefteyê de devên xwe band kirin û xala 35'an a li KHK'ê hatiye zêdekirin şermezar kirin. KESK'iyan xwest ku xala 35'an bê betalkirin.
Kerem Çitanak ê diyar kir ku beriya 30 salan dest bi merengoziyê kiriye, anî ziman ku ji ber zêdebûna mesrefan û krîza aborî nikare bixebite û bi lêv kir ku heke wisa biçe dê neçar bimîne ku dikanê bigire.
Li navçeya Tarsûsê mînîbûsa ku karkerên çandiniyê tê de bûn li TIR’ê da. Di encama qezayê de kesekê jiyana xwe ji dest da û 5 kes jî birîndar bûn.
Rojnamegerên ku dixwestin li dijî qanûna sansûrê li pêşiya meclisê kom bibin, hatin astengkirin. TGS’ê li gelek bajaran daxuyanî da û diyar kir ku qanûna sansûrê li dijî Qanûna Bingehîn e û xwest ku bê betalkirin.
Li gorî ENAG'ê enflasyona salan e ji sedî 186 zêde bûye. Li gorî TUÎK'ê jî enflasyon ji sedî 83,45 e.
Şaxa ESM’a Amedê bertek nîşanî îhaleya promosyonê ya Midûriyeta Herêma 10’emîn a DSÎ’yê ya bi Bankaya Îş’ê re da û wiha got: “Em dixwazin ku di zûtirin demê de îhale bê revîzekirin an jî bi hev re çareseriyekê peyda bikin.”
Bi destpêkirina hefteyê re dolar bilind bû û derket 18,45 TL’an.
Karmendên Pîşesaziya Colemêrgê, diyar kirin ku ji ber nebûna kar gelek xebatkarên xwe ji kar derxistine û ev tişt gotin: "Pereyên ji bo şer tên xerckirin heke ji bo gel bên xerckirin wê rewşa her tiştî baş bibe."
Li gorî daneyên TUÎK’ê, endeksa baweriyê ya mezêxer di meha îlonê de bû 72,4.
Platforma Senfîkayên Perwerdehiyê ya Amedê bertek nîşanî Akbankê da, ji ber ku peymana promosyonê ya perwerdekaran nû nake û xwest kar û barên pereyî yên bi Akbankê re bên betalkirin.
Welatiyên ku li bajarê pîşesaziyê Dîlokê nikarin debara xwe bikin, diyar kirin ku heqdesta digirin têra kirê, xwarin û mesrefên tenduristiyê nake û xwestin dawî li vê rewşê bê.