Hevserokê Giştî yê DBP’ê Keskîn Bayindir û Hevberdevkê Partiya Çepên Kesk Îbrahîm Akin li Êlihê di mitînga 1’ê Gulanê de axivîn û gotin: “Kedkarên ku bi ruh û coşa 8’ê Adarê û Newrozê qadan tije kirin, wê di 14’ê Gulane de vê îktidarê bişînin.”
Hevseroka Giştî ya DBP’ê Salîha Aydenîz a di mitînga 1’ê Gulanê ku bi hezaran kes tevlibûn de axivî, bi gotina “Hûn her roj bi hezaran kesan binçav bikin jî kurd wê dest ji têkoşîna xwe bernedin” anî ziman ku dê di 14’ê Gulanê de “tifaqa faşîst” winda bike.
Endamên DÎSK’ê çelenk danî li ber Bîrdariya Komarê ya li Qada Taksîmê
Platforma Yekitiya Têkoşînê û endamên Înşaet û Enerjî Senê tevî qedexeyê jî xwestin biçin Qada Taksîmê lê rastî êrişa polîsan hatin. Di êrişê de herî kêm 6 kes hatin binçavkirin.
Qada Taksîmê ji ber 1’ê Gulanê hate qedexekirin. Hemû kolanên ber bi qadê ve diçin û Cadeya Îstîklalê jî bi bariyerên hesin hatine girtin.
Hevseroka KESK’ê Şukran Kablan Yeşîl li Hatayê beşdarî bîranîna qurbaniyên erdhejê bû û diyar kir k udi 1’ê Gulanê de li qadan di 14’ê Gulanê de jî di sindoqan de dê hesab ji îktidarê bipirsin.
Hevseroka HDP’a Edeneyê Helîn Kaya bang li her kesî kir ku di 1’ê Gulanê de bi kortêja Partiya Çepên Kesk herikîn qada pîrozbahiyê û wiha got: “Em careke din 1’ê Gulanê li qadan biqîrin. Em li vir in, dê bi hev re biguherînin.”
Nûnerên sendîka û partiyên siyasî ji bo mitînga 1’ê Gulanê ya li Antalyayê bang kirin û wiha gotin: “Em ê di 1’ê Gulanê de li qadan bin û di 14’ê Gulanê de jî ji polîtîkayên zilmê yên îktîdarê re bibêjin na.”
Hevberdevka Partiya Çepên Kesk a Bûrsayê Azra Gullupinarê diyar kir ku dê li dijî xizanî, talan, kedxwarî, zilma KHK'an, tecrîd û şer li qadên 1'ê Gulanê bin û wiha got: "1'ê Gulanê dê bibe nîşaneya hilbijartinên 14'ê Gulanê."
Serokê Şaxa Egîtîm Sen a Mêrsînê Mahmût Sumbul got ku ji ber hilbijartinê, girîngiya 1’ê Gulana îsal hêj zêdetir bûye û da zanîn ku dê tevî hêzên aştîxwaz û demokrasîhez li qadan bin.
Li Wanê 1’ê Gulanê wê li Parka Mûsa Anter were pîrozkirin. Hevserokê Şaxa Egîtîm Sen’a Wanê Mûrat Atabay, bi daxwaza jiyaneke azad herkes vexwend qadên 1’ê Gulanê. Li Amedê jî Platforma Ked û Demokrasiyê ya Amedê têkildarî 1’ê Gulanê serdana partiyên siyasî kir.
Seroka Giştî ya DÎSK’ê Arzû Çerkezoglû ku li ser navê kesên 34 welatiyên li Hevraza Kazanci hatin qetilkirin bi bîr anîn axivî, diyar kir ku dê pergala bêhiqûq û qedexeker biguherînin û hemû karker û kedkar vexwendin qadên 1’ê Gulanê.
Karkerên ku îsal 1'ê Gulanê di atmosfera hilbijartinê de pêşwazî dikin, gotin: "Em ê wekî ku haya me jê tune be, bixebitin. Em ber bi hilbijartinê ve diçin, divê êdî ev desthilat biguhere."
Rêxistinên girseyî yên demokratîk ku xwe amade dikin di 1’ê Gulanê de dakevin qadan, bernameyên xwe yên 1’ê Gulanê aşkerekirin û banga tevlibûnê li gel kirin.
Serokê Giştî yê Nakliyat-Îşê Alî Riza Kuçukosmanoglû diyar kir ku herî zêde di heyama AKP’ê de sendîka bi zextan re rûbirû man û mafê greve hat qedexekirin û got: “Hêviya me ew e ku di 14’ê Gulanê de dawî li vê îktidara zilmkar were.”