Dema rakirina genim dest pê kir û niha çavê hemû cotkaran li TMO’yê ye ku bihayê erzantirîn ê genim û piştgiriya serê tonê diyar bike. Serokê Komeleya Cotkaran Mîkaîl Erbeyî yê dibêje “Cotkar pêşiya xwe nabînin” bang li hikûmetê kir ku demildest bihayê kêmtirîn ê genim were diyarkirin.
Gundiyên li dijî kana madenê ya li Marûnisê ev 40 roj in li ber xwe didin, xwestin piştevaniya wan were kirin û têkildarî kana madenê, li hêrêmê lêkolîn were kirin.
Esnafan ragihand ku zêdebûna fiyetên zêr daxwaza îmîtasyonê zêde dike û gotin ku ji ber krîza aborî heya ji destê welatiyan tê lêçûnên xwe kêm dikin.
Teqawîdên ku hewl didin di bin sînorê birçîtî û xizaniyê de debara xwe bikin bi gotinên “Heke pêdivî bi teserûfê hebe bila deriyê qesrê bê kilîdkirin” bertek nîşanî daxuyaniya desthilatê ya “teserûfê” da.
Dihat payîn ku di meha gulanê de bihayê zebze û fêkiyan erzan bibe lê ev bendewarî vala derket. Esnafên bazarê ji ber ku nikarin berhemên xwe bifiroşin û welatî jî ji ber ku nikarin bikirin bi gilî û gazincin.
Beşîr Ozkiliç ê li Sêrtê dijî, pîşeya xwe ya tamîrkirina pêlavan ku di 9 saliya xwe de weke berhosta destpêkiribû 50 sal in bi hezkirin didomîne.
Waniyan ku gotin "Êdî em nikarin kîloyek firingî jî bistînin" û bal kişandin ser krîza aborî, destnîşan kirin ku heya hikûmeta AKP'ê neçe û meseleya kurd neyê çareserkirin wê aborî baş nebe."
Bayram Guvener 64 sal in bi nebatên ku li çiyayan berhev dike, debara xwe pê dike.
TTB AHEK û SES’ê di çalakiya “Di bacê de edalet” de bal kişandin ser “Paketa di cemaweriyê de teserûf” û wiha gotin: “Yên îsrafê dikin em nînin.”
DEDAŞ, qerên qeyûm li pey xwe hiştine wek hincet nîşan da û ceyrana MARSÛ’yê birî.
Hevserokê Şaxa SES’a Şîşliyê Bilal Denîz destnîşan kir ku sedema têkçûna pergala tenduristiyê rêveberiya nexweşxaneyê ya tayînkirî ye û wiha got: “Divê xebatkarên tenduristiyê bibin endamên sendîkayên rast û dengên xwe derbixin.”
Serokê Komeleya Motokuryeyên Kedkar Mehmet Tîmûrtaş destnîşan kir ku hêj jî motokuryetî wek pîşeyekî xwedî pênase nîn e û xwest motokuryetî wek “karên bi talukeya mezin” were naskirin.
Li gorî daxuyaniya TUÎK’ê; rêjeya bêkariyê di çaryeka yekemîn a îsal de li gorî çaryeka bertirê ji sedî 0,1 kêm bû û bû ji sedî 8,7.
Karê zehmet ê karkerên çandiniyê yên demsalî dest pê kir. Xeyalên zarokên ku 6 mehan li nav zeviyan derbas dikin ji destê wan tê girtin. Jin jî di bin barê giran ê rola ku ji wan re hatiye diyarkirin de diperçiqin.
Kedkaran li dijî “Paketa Teserûfê ya Cemaweriyê” ya ji hêla îktîdarê ve hatiye ragihandin daxuyanî dan û gotin: “Em ê dev ji mafê xwe yên me qezenc kirine bernedin.”