NAVENDA NÛÇEYAN - “Konferansa Hevpeymaniya Sosyal Demokrat a Welatên Ereb” ku li Silêmaniyeyê tê lidarxistin, di roja 3’yan de didome. 

 

“Kongreya Hevpeymaniya Sosyal Demokrat a Welatên Erebî” ku li bajarê Silêmaniye yê Herêma Federe ya Kurdistanê tê lidarxistin, di roja 3’yan de didome. Îro dê di konferansê de li ser meseleya Filistînê, ewlehiya herêmê û zehmetiyên demokrasiya li welatên Ereban dijî bên nirxandin. 

 

Serokwezîrê Filistînê yê berê Muhammed Îştiyye, Sekreterê Giştî yê Partiya Sosyal Demokrat a Urdunê Falah el-Cebur, Sekreterê Giştî yê hewldana Nîştimanî ya Filistînê Mûstafa Bargutî û Sekreterê Giştî yê Têkoşîna Gel a Filistînê Ahmed Macdalanî dê têkildarî bandora meseleya Filistînê ya li ser Rojhilata Navîn di paneleke taybet de biaxivin. 

 

Her wiha dê di panelan de rewşa giştî ya siyasî û ewlehiyê, bandora şer û bêîstîqrariyê ya li ser pêşketinê jî bên axaftin. 

 

Di heman demê de Şêwirmendê Ewlehiya Niştimanî ya Iraqê Kâsim el-Arajî, Serokê Tifaqa Sosyal Demokrat a Ereb Ferîd Zahran, Waliyê Kerkûkê Rebwar Taha û Sekreterê Giştî yê Azadiyên Demokratîk û Foruma Karan Halîl ez-Zeviyye di konferansê de pirsên têkildarî ewlehî, pêşketin û rêyên çareseriyê de bibersivînin.