
Şandeya Şêxmeqsûd û Eşrefiyê bi şandeya YE’yê hevdîtin kir 

2025-09-24 10:07:59


	&nbsp;

	NAVENDA NÛÇEYAN - Nûnerên taxên Şêxmeqsûd û Eşrefiyê yên Helebê bi Cîgirê Delegasyona Sûriyeyê ya Yekitiya Ewropayê re civiya.&nbsp;

	&nbsp;

	Hêzên paramîlîter ên girêdayî Hikûmeta Demkî ya Sûriyeyê çendek roj berê êrişî taxên Şêxmeqsûd û Eşrefiyê yên di bin kontrola asayîşa girêdayî Hêzên Sûriyeya Demokratîk (HSD) de kirin. Hêzên girêdayî HSD’ê, destûr nedan ku hêzên paramîlîter têkevin taxê.&nbsp;

	&nbsp;

	Piştî van geşedanan, Cîgirê Delegasyona Sûriyeyê ya Yekitiya Ewropayê Agn Gleveckaite û şandeya wê bi nûnerên taxên Şêxmeqsûd û Eşrefiyê re civiya. Şandeya ji herdu taxan ji Hêvîn Silêman, Fatme El Hesîno, Emîn Elîko, Nûrî Şêxo, Menan Cafer û Evîn Sîdo pêk hat.

	&nbsp;

	Herdu aliyan li ser geşedanên dawîn ên Sûriyeyê û bi taybetî li ser rewşa mirovî û ewlekarî ya Helebê nexasim li taxên Şêxmeqsûd û Eşrefiyê axivîn û bal kişandin ser êrişên li dijî herdu taxan û astengkirina ragihandin û medyaya civakî. Her wiha bal kişandin ser cîbicîkirina peymanên 10'ê Adarê û 1'ê Nîsanê.

	&nbsp;

	Hat diyarkirin ku civîn erênî derbas bû û herdu aliyan jî bal kişandin ser girîngiya domandina diyalogê û pêşxistina aştiyê ya li herêmê.&nbsp;

	&nbsp;