ROJEVA 30'YÊ TEBAXA 2025'AN

2025-08-30 09:00:19


	 

	* Bi şîara "Aştî ji bo azadî, biratî ji bo wekhevî" ESP'ê dest bi xebata civakîkirina pêvajoya agahdarkirina raya giştî li ser çareseriya pirsgirêka Kurd kir.

	 

	* Hevserokê TUAY-DER Çukurovayê Mahsum Geçer bal kişand ser rewşa girtiyên nexweş û bi bîr xist ku nêzîkî 350 girtiyên nexweşiya wan giran hene û got: "Azadiya girtiyên nexweş gava herî berbiçav a ber bi aştiyê ve ye."

	 

	* Parêzer Mehmet Akif Akin diyar kir ku tecrîda li ser Abdullah Ocalan berdewam dike û got: "Tişta ku gel hêvî dike gavên berbiçavtir û rasteqîntir in. Biryarên komîsyonê divê li ser bingehên qanûnî bin."

	 

	* Hevşaredara Şaredariya Erdîşê ya DEM Partiyê Guler Temel got ku ji dema ku şaredarî ketiye destê wan heya niha gelek projeyên li ser esasê jin û zarokan pêk anîne û tevî 600 milyon deynî jî, wan xizmeta giştî paşguh nekiriye.

	 

	* Komeleya Wêjekarên Kurd dê li Amedê bi nivîskaran re bicive. (10.00)

	 

	* Dayikên Şemiyê dê çalakiya xwe ya 1064'emîn li Qada Galatasarayê li dar bixin. (12.00)

	 

	* ÎHD û Xizmên Windayan dê çalakiya xwe ya li Amed, Êlih, Colemêrg û Îzmîrê bidomînin. (12.00)

	 

	* Meclisa Ziman a Konseya Bajêr dê li Navenda Çand Amedê bicivie. (13.00)

	 

	* Dê li Enqere û Stenbolê têkildarî girtiyên nexweş de çalakî bên lidarxistin. (13.30)

	 

	* Dê bi boneya 1'ê Îlonê Roja Aştiyê ya Cîhanê li Amed, Stenbol û Şirnexê panel bên lidarxistin. (11.00-19.00)