Li Gimgimê gund li benda xizmetê ne

2025-07-06 10:09:16


	 

	MÛŞ – Welatiyên li gundên Qurçîk û Gomezîlê yên navçeya Gimgimê dijîn, ku Elewî bi giranî lê dijîn, dixwazin pirsgirêkên rê û binesaziyê werin çareserkirin.

	 

	Pirsgirêkên rê û binesaziyê yên gundên Qurçik û Gomezîl ên ser bi navçeya Gimgimê ya Mûşê, bi salan e li benda çareseriyê ne. Gund bi qasî 22 kîlometreyan dûrî navenda navçeyê ne. Li van gundên ku hejmareke girîng a Elewiyan lê dijîn, di mehên havînê de rêjeya nifûsan zêde dibe. Gundî diyar dikin ku ji ber baweriya xwe nikarin xizmetê werbigirin.

	 

	‘DENG NEBE XIZMET JÎ NÎN E!’

	 

	Keyayê gundê Qurçîk Ozgur Turhan diyar kir ku ew di mijara rê û avê de pirsgirêkan dijî. Turhan da xuyakirin ku rêya asfalt a li gund xera bûye û got, "Me nekarî derdê xwe ji rayedaran re ragihînin. Em di her serdema salê de daxwaznameyan didin û pêşkêş dikin. Lê me nekarî ji pirsgirêka xwe re çareseriyekê bibînin."

	 

	Turhan diyar kir ku sedema nedayîna xizmetên rê 'siyasî' ye û wiha axivî: "Zîhniyetek heye ku eger deng bê dayîn, xizmet heye; eger deng dernexîne, xizmet nîne. Me ji xwe re hevtayek nedît. Me serî li îdareyên taybet a bajar, qeymeqamî û walîtiyê da. Gundê me gendek Elewî ye û xwedî pozîsyoneke girîng e. Em ji ber baweriya xwe di xizmetan de rastî neheqiyê tên. Pêwîst e di zûtirîn demê de pirsgirêkên rê û binesaziyê werin çareserkirin da ku welatiyên temen mezin di rewşeke awarte de biçin nexweşxaneyê û tedawî bibin."

	 

	Şêniyê gundê Qurçikê Hanefî Atalay bal kişand ser gora ku li ser rêya gund hatiye avêtin û diyar kir ku heta mirov di rê de dimeşin jî zehmetiyan dikişînin diyar kir ku li ser rê 3 gund hene û xwest pirsgirêkên wan bên çareserkirin.

	 

	 Gamze Turhan jî wiha axivî: "Li Gimgimê weke civaka Elewî em gundê herî mezin in. Em piştgiriyê nagirin. Di mehên zivistanê de dema buldozer rê paqij dikin, çal çêdibin. Ev yek havînê rê li ber çalan vedike û derbaskirina wesayîtan zehmet dike. Zivistanan jî qutbûnên elektrîkê hene û mirov zehmetiyê dikişînin."

	 

	‘LI BENDA XIZMETÊ NE’ 

	 

	Keyayê Gundê Gomezîlê Îrfan Ozdem anî ziman ku ji damezrandina komarê û vir ve li benda çareseriya pirsgirêkan in û wiha got: "Pêwîstiya herî girîng û bingehîn a mirovan, rê ye. Rê niha nayê bikaranîn. Îsal hin gore rijandin, lê kevirên mezin in. Wesayîtên ku berê dikarîbûn derbas bibin êdî nikarin biçin. Hîn xerabtir bûye." 

	 

	Ji şêniyên gund Aysel Ozdem diyar kir ku ew havînê tê gund û diyar kir ku serlêdanên ji bo çareserkirina pirsgirêkan hatine kirin bêbersiv hatine hiştin û wiha got: "Qaşo rê çêkirin, lê rewşa wê ya berê baştir bû. Ji ber ku me deng neda wan, xizmetê nadin. Lê em mirovên vî welatî ne. Em baca xwe didin û xizmetê dixwazin."