
Ferîde Eralp: Em ji bo aştiyeke jin tê de azad bixebitin 

2025-07-01 12:02:06


	&nbsp;

	STENBOL - Ferîde Eralp diyar kir ku tevgerên jinan di pêvajoyên çareseriyê de xwedî mîrateyeke girîng in û got: “Em xeyala aştiyeke ku jin jî azad dibin bikin û il gorî wê bixebitin.” &nbsp;

	&nbsp;

	Rêberê Gelê Kurd Abdullah Ocalan di 27’ê Sibatê de “Banga Aştî û Civaka Demokratîk” kir û ji bo civakîkirina vê bangê hem li welat hem li derveyî wlat xebatên girîng tên kirin. Abdullah Ocalan, di nameya xwe ya dawî de banga li jinan kir ku pêşengtiyê bikin û pêvajoyê birêve bibin. Tevgera jinên Kurd û ya Tirkiyeyê jî têkildarî pêvajoyê civînên hevpar li dar xist û xebatan dikin. Înîsiyatîfa Jinan a Pêdiviya Min bi Aştiyê Heye jî di vê çarçoveyê de hate avakirin û xebatên xwe mezin dike. Înîsiyatîf, ji bo rakirina astengiyên li pêşiya aştiyê û bi daxwaza avakirina komîsyonê, dê di 8’ê Tîrmehê de li Guvenparkê ya Enqereyê daxuyaniyê bide û ber bi Meclisê ve bimeşe.&nbsp;

	&nbsp;

	Ji endamên înîsiyatîfê û endama Kolektîfa Feminîst a Aralikê Ferîde Eralp, pêvajo nirxand û got ku di pêvajoyên çareseriyê de gotina jinê nayê dîtin û li ser maseyên muzakereyan derdên jinan tên paşguhkirin.&nbsp;

	&nbsp;

	TÊKEOŞÎNA HEVPAR

	&nbsp;

	Ferîde Eralpê got ku beşeke girîng ê civakê jin in, gelek destkeftiyên wan hatine desteserkirin û wiha domand: “Em xeyala aştiyeke ku jin tê de azad dijîn bikin û li gorî vê bixebitin. Tevgera jinê, di têkoşîna aştiyê de xwedî mîrateyeke xurt e. tevgerên jinan ên Tirkiyeyê ji salên 90’î heta niha tevî tevgerên feminîst û tevgera jinên Kurd ji bo çareseriya pirsgirêka Kurd têkoşîneke hevpar dimeşîne. Ji bo vê jî gelek rêxistin, platform û zemîn hatin avakirin. Înîsiyatîfa Jinan a Pêdiviya Min bi Aştiyê Heye jî versiyona wê ya dawî ye.”&nbsp;

	&nbsp;

	DI PÊVAJOYÊ DE TECRUBEYÊN JINAN

	&nbsp;

	Ferîde Eralp, anî ziman ku tecrubeyên jinan ên di têkoşîna aştiyê de jî parçeyeke pêvajoyê ye û wiha pê de çû: “Hemû pirsgirêkên welat girêdayî hev in. Çawa ku em li welat pirsgirêka demokrasiyê ya çareseriya pirsgirêka Kurd bi hev re dinirxînin, divê em çareseriya pirsgirêka Kurd û pirsgirêka azadiyê ya jinan, newekheviya zayenda civakî û hwd. jî bi hev re binirxînin. Di şer de jin û hezkiriyên wan dimirin. Malên her du aliyan hildiweşin, ji gundên xwe tên koçkirin û avakirina jiyana nû dixin ser milê jinan. Gelek astengiyên mezin didanin pêşiya jinan ku bi zimanê xwe neaxivin. Divê ev tevek li navenda vê pêvajoyê bên bicihkirin û jin bibin parçeyeke pêvajoyê.”&nbsp;

	&nbsp;

	DAXWAZÊN LEZGÎN

	&nbsp;

	Ferîde Eralp, gavên divê bi lezgînî bên avêtin jî wiha rêz kir: “Bila siyaset êdî weke sûc neyê dîtin, qanûnên weke Qanûna Têkoşîna li Dijî Terorê ku zemîna vê çêdike bên rakirin, girtiyên nexweş û yên siyasî bên berdan, operasyonên li derveyî sînor bên sekinandin, sepanên herêmên ewlehiya taybet bên rakirin û leşkeran nebin wan herêman. Bila hemû qeyûman paşve bikişînin, KHK’a Hejmar 674 ku bi hinceta OHAL’ê kete meriyetê û zemîna tayînkirina qeyûman çêdike bê betalkirin.”&nbsp;

	&nbsp;

	'BERPIRSYARTÎ LI SER MILÊ HER KESÎ YE’

	&nbsp;

	Bi domdarî Ferîde Eralpê anî ziman ku dewlet li şûna aştiya navxweyî û hevrûbûnê, ji ber geşedanên li Rojhilata Navîn hewl dide “eniya navxweyî tehkîm bike” û axaftina xwe wiha qedand: “Em welatekî ku tu kes nayê çewisandin, keda wan nayê xwarin, nayê xizankirin dixwazin. Di serî de muxalefet, berpirsyartiyeke mezin dikeve ser derdorên civakî yên derveyî tevgera Kurd.”&nbsp;

	&nbsp;

	MA / Yeşîm Tukel&nbsp;

	&nbsp;